Mfuko wa Mufti wanufaisha wengi

Na Bakari Mwakangwale

MFUKO wa Mufti Abubakar Zubeir, umezidi kujikita zaidi kusaidia vijana wa Kiislamu kutoka Mikoa ya Tanzania

MFUKO wa Mufti Abubakar Zubeir, umezidi kujikita zaidi kusaidia vijana wa Kiislamu kutoka Mikoa ya Tanzania, katika sekta ya elimu kwa kuwasomesha katika Shule mbalimbali za Sekondari nchini.

Ofisi ya Mufti Jijini Dar es Salaam, imeeleza kuwa idadi ya wanafunzi wanaosomeshwa kupitia ‘Mfuko wa Mufti’ imezidi kuongezeka tokea kuanzishwa kwake, ambapo mfuko huo mbali ya kusomesha pia unashughulikia mambo mbalimbali ya kijamii.

 Katika mpango huo wa kusomesha wanafunzi hao imeelezwa kuwa zaidi ya Wanafunzi mia mbili wanasoma katika Shule ya Sekondari ya Soni (Soni Islamic) iliyopo Soni Mkoani Tanga.

 Imeelezwa kuwa karibu idadi kama hiyo ya wanafunzi ambao wanasoma kwa hisani ya Mufti pia wapo katika Shule za Al haramain na Kinondoni Muslim zilizopo Jijini Dar es salaam, Jamhuri na Hijra Jijini Dodoma, Bondeni Arusha, pamoja na Jitengeni Kilimanjaro.

 Ustadhi Harithi Nkusa, kutoka Bakwata Jijini Dar es Salaam, aliyetembelea Shule ya Soni, Jijini Tanga, alisema pamoja na Shule hiyo kuwa Kijijini lakini uongozi wa Shule unajitahidi kufanya kazi yao ipasavyo na matunda ya kazi hiyo yanaonekana kupitia matokeo ya mitihani wanayofanya kwani.

 Kwa mfano alisema, katika matokeo ya mwaka jana kati ya wanafunzi 98 waliofanya mtihani wa Taifa kidato cha nne wanafunzi 82 wamefanikiwa kupata ufaulu wa kujiunga na elimu ya kidato cha tano.

 Aidha, alisema tangu kuanzishwa kwa Shule hiyo miaka kumi iliyopita hakuna mwanafunzi wa aliyepata ufaulu wa daraja ziro katika ufaulu wa mitihani ya Taifa kidato cha nne, hiyo ikiwa ni juhudi na mikakati ya Shule hiyo kuhakikisha watoto wanafaulu kwenda kidato cha tano au kupata sifa za kujiunga na kozi yoyote.

 Ustadhi Nkusa, alisema Shule hiyo pia imekuwa ikishiriki mitihani ya Shule za Kiislamu nchini ya Inter Islamic kwa Shule za Kisilamu nchini ambapo mwaka 2017, ilichukua nafasi ya nne kwa Shule za Kiislamu nchini.

 Ustadhi Nkusa, alisema Shule ya Soni Islamic, imekuwa ni miongoni mwa Shule bora katika ukanda wao kwani imekuwa na muamko kitaaluma na kuchuana na Shule ya Kikristo ya Soni Seminary, katika nafasi ya kwanza Kiwilaya na kimkoa imekuwa ikiingia katika Shule Kumi bora.

 

 

 

 

 

Mfuko wa Mufti wanufaisha wengi

Mfuko wa Mufti wanufaisha wengi

Na Bakari Mwakangwale

MFUKO wa Mufti Abubakar Zubeir, umezidi kujikita zaidi kusaidia vijana wa Kiislamu kutoka Mikoa ya Tanzania

MFUKO wa Mufti Abubakar Zubeir, umezidi kujikita zaidi kusaidia vijana wa Kiislamu kutoka Mikoa ya Tanzania, katika sekta ya elimu kwa kuwasomesha katika Shule mbalimbali za Sekondari nchini.

Ofisi ya Mufti Jijini Dar es Salaam, imeeleza kuwa idadi ya wanafunzi wanaosomeshwa kupitia ‘Mfuko wa Mufti’ imezidi kuongezeka tokea kuanzishwa kwake, ambapo mfuko huo mbali ya kusomesha pia unashughulikia mambo mbalimbali ya kijamii.

 Katika mpango huo wa kusomesha wanafunzi hao imeelezwa kuwa zaidi ya Wanafunzi mia mbili wanasoma katika Shule ya Sekondari ya Soni (Soni Islamic) iliyopo Soni Mkoani Tanga.

 Imeelezwa kuwa karibu idadi kama hiyo ya wanafunzi ambao wanasoma kwa hisani ya Mufti pia wapo katika Shule za Al haramain na Kinondoni Muslim zilizopo Jijini Dar es salaam, Jamhuri na Hijra Jijini Dodoma, Bondeni Arusha, pamoja na Jitengeni Kilimanjaro.

 Ustadhi Harithi Nkusa, kutoka Bakwata Jijini Dar es Salaam, aliyetembelea Shule ya Soni, Jijini Tanga, alisema pamoja na Shule hiyo kuwa Kijijini lakini uongozi wa Shule unajitahidi kufanya kazi yao ipasavyo na matunda ya kazi hiyo yanaonekana kupitia matokeo ya mitihani wanayofanya kwani.

 Kwa mfano alisema, katika matokeo ya mwaka jana kati ya wanafunzi 98 waliofanya mtihani wa Taifa kidato cha nne wanafunzi 82 wamefanikiwa kupata ufaulu wa kujiunga na elimu ya kidato cha tano.

 Aidha, alisema tangu kuanzishwa kwa Shule hiyo miaka kumi iliyopita hakuna mwanafunzi wa aliyepata ufaulu wa daraja ziro katika ufaulu wa mitihani ya Taifa kidato cha nne, hiyo ikiwa ni juhudi na mikakati ya Shule hiyo kuhakikisha watoto wanafaulu kwenda kidato cha tano au kupata sifa za kujiunga na kozi yoyote.

 Ustadhi Nkusa, alisema Shule hiyo pia imekuwa ikishiriki mitihani ya Shule za Kiislamu nchini ya Inter Islamic kwa Shule za Kisilamu nchini ambapo mwaka 2017, ilichukua nafasi ya nne kwa Shule za Kiislamu nchini.

 Ustadhi Nkusa, alisema Shule ya Soni Islamic, imekuwa ni miongoni mwa Shule bora katika ukanda wao kwani imekuwa na muamko kitaaluma na kuchuana na Shule ya Kikristo ya Soni Seminary, katika nafasi ya kwanza Kiwilaya na kimkoa imekuwa ikiingia katika Shule Kumi bora.