Na Bint Ally Ahmed

Shule ya Kiislamu ya Sekondari ya Kirinjiko imefanya vizuri katika mtihani wa kidato cha nne 2021 ambapo wanafunzi 46 wamepata Daraja la kwanza huku Daraja la Pili wakiwa 97.

Kulingana na matokeo ya yaliyotolewa na Baraza la Mitihani la Taifa hivi karibuni, idadi ya wanafunzi waliopata Daraja la tatu ni 48 ambapo waliopata daraja la Nne ni 15 na hakuna daraja la sifuri.

Kwa mwaka 2020, wanafunzi waliopata daraja la kwanza walikuwa 58, daraja la pili 79, daraja la tatu  walikuwa 50 na daraja la nne walikuwa 22.

Matokeo hayo yanaonyesha mwaka 2019 wanafunzi waliopata daraja la nne walikuwa 46 sawa na asilimia 25, ambapo mwaka 2020 daraja la nne katika shule hiyo imeshuka hadi kufikia wanafunzi 22 tu sawa na asilimia 11.

Idadi ya wanafunzi wa kidato cha nne shuleni hapo mwaka 2021 ilikuwa wanafunzi 206.

Matokeo ya mwaka 2021 Div 4 ni 15 kati ya wanafunzi 206 sawa na asilimia 7.3. Asilimia 92.7 ni waliopata divisheni 1 hadi 3.

Urari wa matokeo ya mtihani wa kidato cha nne katika shule hiyo tangu mwaka 2018 unaonyesha kuwa wanafunzi waliopata daraja la kwanza (DIV-I) mwaka huo walikuwa 31 sawa na asilimia 15, DIV-II walikuwa wanafunzi 64 sawa na asilimia 31, DIV-III walikuwa wanafunzi 63 sawa na asilimia 31 na DIV-IV walikuwa wanafunzi 47 sawa na asilimia 23. Mwaka huo hakukuwa na DIV-O ambapo jumla ya wanafunzi ilikuwa 206.

Mwaka 2019 DIV-I walikuwa wanafunzi 12 sawa na asilimia 5.9, DIV-II wanafunzi 40 sawa na asilimia 21, DIV-III wanafunzi 90 sawa na asilimia 43, DIV-IV wanafunzi 46 sawa na asilimia 26. Hakukuwa na DIV-0 ambapo jumla ya wanafunzi ilikuwa 187.

Mwaka 2020 DIV-I wanafunzi 58 sawa na asilimia 28, DIV-II wanafunzi 79 sawa na asilimia 38. DIV-III wanafunzi 50 sawa na asilimia 24, DIV-IV wanafunzi 22 sawa na asilimia 11, huku kukiwa hakuna mwanafunzi aliyepata DIV-0 na jumla ya wanafunzi ilikuwa 203.

 

Latest News

Most Read

  • Week

  • Month

  • All